#saoli #chakvirkhal #forest #tigerattact
चकविरखल(ईश्वर गंडाटे)
सावली वनपरिक्षेत्र अंतर्गत व्याहड खुर्द उपवनक्षेत्रातील विरखल चक येथील महिला ही उन्हाळाचे दिवस असल्याने रोज च्या प्रमाणे बाहेर खाटेवर झोपली असता त्या महिलेवर रात्रौ च्या 2 वाघाने हल्ला करून ठार केल्याची घटना मध्यरात्री घडली आहे.त्यामुळे परिसरात वाघाच्या दहशतीचे वातावरण पसरले आहे.
श्रीमती मंदबाई एकनाथ सिडाम रा. विरखल चक वय 53 वर्ष ही महिला घराबाहेर मच्छर दाणी लावून खाटेवर झोपली होती.
रात्रौ 2 च्या दरम्यान या महिलेवर वाघाने हल्ला करून फरफटत नेत असतांना आरडाओरड झाली आणि घरचे मंडळी जागे होऊन आरडाओरड केल्याने वाघ हा त्या महिलेला सोडून जंगलात पसार झाला. सदर महिलेचा मात्र जागीच मृत्यू झाला होता.
या घटनेची माहिती सावली वनपरिक्षेत्र व पाथरी पोलिसांना देण्यात आली ते रात्रीच घटनास्थळी दाखल झाले.पंचनामा करून मृतक महिलेच्या शवविच्छेदन साठी सावली ग्रामीण रुग्णालयात हलविण्यात आले आहे.वनविभाग तर्फे तात्काळ परिवाराला 25 हजारांची मदत करण्यात आलेली आहे.मात्र वाघाच्या या दहशतीने परिसरात चांगलेच भीतीचे वातावरण पसरले आहे.
