सावली येथील जुन्या बसस्थानकावर आज सायंकाळी 5 च्या दरम्यान एका कार ने उभ्या असलेल्या आटो ला जबर धडक दिल्याने आटो हा दुसऱ्या कार वर जावून धडकली.म्हणजे या अपघात मध्ये 3 वाहनांची नुकसान झाली असून यात दोन जण गंभीर जखमी झाले असून त्यातील या दोघांना सावली येथील ग्रामीण रुग्णालयात भरती करण्यात आले होते मात्र जखमी महिलेला चंद्रपूर येथे जिल्हा रुग्णालयात पाठविण्यात आले मात्र तिने अखेरचा श्वास घेत तिचा मृत्यू झाल्याची माहिती मिळाली आहे.
सावली येथील प्रा. दिवाकर उराडे यांची कार असल्याची माहिती प्राप्त होत असून ती सावलीच्या जुन्या बसस्थानक जवळील सुरज वाढई यांच्या हॉटेल समोर उभ्या असलेल्या आटोला जोरदार धडक दिली.
धडक एवढी जोरदार होती की त्यात काही अंतरावर उभ्या असलेली दुसरे वाहन वर आपटल्याने त्यांचे ही नुकसान झाले.बस ची वाट पाहत असलेल्या लता कोमलवार व एकनाथ शेंडे हे जखमी झाले असून त्यांना नंदू व्यास व मारोती यांनी आटो मध्ये टाकून रुग्णालयात भरती करण्यात आले आहे.
सावली तालुक्यातील लोंढोली येथील माजी सरपंच लता बाबुराव कोमलवार ही आपल्या स्वगावी जाण्यासाठी वाट पाहत असताना तिच्यावर वाहन आले व तिला सावली येथील रुग्णालयात व नंतर तिला चंद्रपूर येथे भरती करीत करण्यात आले मात्र तिचा मृत्यू झाला.जखमी एकनाथ शेंडे वर उपचार सुरू असून या अपघाताचा तपास सावली पोलीस करीत आहे.
